bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Banner Left
cumpartzi custa noa cun sos amigos tuos invia mail stampa

18/10/2010

Sas ìsulas de Curaçao e Sint Maarten belle indipendentes!

de Diegu Corràine

Sas ìsulas de Curaçao (populatzione 142,000 ab.) e Sint Maarten (populatzione 37,000 ab.), dae su 10/10/2010, si sunt cunvertidas in sos istados prus giòvanos de su mundu, a pustis chi sas Antillas olandesas si nche sunt iscontzadas in manera ufitziale. Ant fatu una costitutzione noa, comente aiat giai fatu in su 1986 Aruba.
 
Perunu giornale sardu at faeddadu de custu eventu, mi paret. O ca no l'ant carculadu o ca ant tìmidu chi potzat èssere unu modellu.
 
Custas ìsulas sunt resessidas a èssere soveranas in intro de su Rennu de sos Paisos Bassos, chi como est formadu dae 4 istados soveranos: Paisos Bassos, Aruba, Curaçao e Sint Maarten.
Imbetzes tres ìsulas caraìbicas si sunt negadas a si costituire comente istados e si sunt integradas in sos Paisos Bassos comente munitzìpio autònomos: Bonaire, Saba e Sint Eustasius.
 
A calicunu in Sardigna at a agradare custu modellu, in ue su Rennu est un'entidade comuna superiore? Una Repùblica de Itàlia comente cuntenidore paritàriu de un’istadu italianu e de un’istadu sardu?
 
No at a èssere un’indipendèntzia prena però est una mustra de una possibilidade istitutzionale noa chi non siat sa autonomia comente la connoschimus nois in Sardigna.
Est finas una mustra de sa possibilidade de praticare una forma de autodeterminatzione. Difatis Bonaire, Saba e Sint Eustasius sunt istados in favore de s'integratzione in Paisos Bassos.
Mancu in Curaçao sunt cuntentos totus: Su Partidu de su Pòpulu Soveranu cheret s’indipendèntzia cumpreta, mancari oe siat in su guvernu tripartidu de s’ìsula.
 
Custu cambiamentu in sa cunditzione formale de custas ìsulas est finas sa risposta a chie protestat contra a sa soverania de sa Sardigna, narende chi diat èssere un'istadu minore sena fortza e tempus venidore.
Ite si diat dèvere nàrrere tando de Curaçao e Sint Maarten, cun 179.000 abitantes?

#Sarvadore Serra

» in segus

Ùrtimos PÀRRERES inseridos

PRÈMIU WOLF de LITERADURA PRO PITZINNOS
“Conto unu contu”, editzione 2018

Iscadèntzia 1-9-2018

BANDU Sas EDITZIONES PAPIROS  BANDINT su Prèmiu WOLF de literadura pro pitzinnos“CONTO UNU CONTU” Sos Iscritores interessados devent iscrìere unu contu in sardu pro pitzinnos dae 6 a 10 annos. Sa contu, iscritu in caràte­res de imprenta in formadu ...  [sighit]

Cuncursu "LIMBAS IN PONTE" de tradutzione literaria in sardu, 2018

EDITZIONE 2018: ISPAGNOLU > SARDU

Prèmiu de Tradutzione literària in sardu LIMBAS IN PONTE Prèmiu intituladu a ELIEZER BEN YEHUDA (1858-1922), Giornalista, linguista, tradutore: babbu mannu de sa limba ebràica moderna EDITZIONE 2018: ISPAGNOLU>SARDU Pro s’òpera CUENTOS DE LA SELVA >...  [sighit]

SÒTZIOS de sa sotziedade de sa limba sarda

Ordinàrios: Chie est de acordu cun sos printzìpios de sa SLS e nde cumpartzit sas finalidades Currispondentes: Chie connoschet sa limba sarda orale, nde pràticat sa norma iscrita e collàborat dae sa bidda sua a traballos de istùdiu linguìsticu e a su Ditzio...  [sighit]

Manifestu  de sa Limba Sarda

de sa Sotziedade pro sa Limba Sarda

 In ocasione de sa Die Europea de sas Limbas 2013, proclamada e promòvida in su 2001 dae su Cussìgiu de Europa, festada cada annu su 26 de cabudanni, sa Sotziedade pro sa Limba Sarda at publicadu su in una pàgina Facebook custu Manifestu in 10 puntos pro ponnere in craru e ...  [sighit]

SA LIMBA SARDA COMUNA E SA SOBERANIA LINGUÌSTICA

de Diegu Corràine

Mai comente in custos annos amus iscritu in sardu. E mai amus iscritu, che a como, in cada dialetu de cada bidda e logu. Sas retes sotziales e sos mèdios telemàticos e informativos modernos cunsentint a cadaunu de iscrìere finas in sardu, comente li paret. Sende chi tenimus una ...  [sighit]

FUNDU DE SA LIMBA SARDA

Sa paràula "fundu", in sardu, cheret nàrrere àrbore, mata, ma finas caudale, dinare, richesa.  In custa pàgina de su FLS, "fundu" est una cantidade de dinare dadu dae pessones de bonu coro, chi sunt interessadas a su tempus venidore de sa limba sarda, paragonada a u...  [sighit]

SOBERANIA

Sa soverania est su podere supremu de: a) rinuntziare a cale si siat podere pròpiu, b) de apartènnere a un'àteru istadu rinuntziende a cale si siat distintzione natzionale, c) de otènnere formas de autonomia natzionale, d) de formare una cunfereratzione istatale ...  [sighit]

"Pro otènnere in pagu tempus su domìniu internet de primu livellu .srd. Lu paghet sa Regione Sarda!"

de Diegu Corràine

Unas cantas limbas e natziones sunt resessidas a otènnere unu domìniu internet de primu livellu. Pro rapresentare un'identidade linguìstica, culturale, natzionale.Su primu chi, forsis, at abertu su caminu est “.cat”, domìniu intradu in vigore in su 2005, chi o...  [sighit]

"Ite nos imparat s'Assemblea de sa LS e de sas àteras limbas de su 15 de Santugaine"

de Diegu Corràine

S'Assemblea de sa limba sarda e de sas àteras limbas de Sardigna, fata in Santa Cristina su 15 de santugaine at cunsentidu de nos cunfrontare pessones e assòtzios chi fìamus dae meda sena nos aunire in su matessi logu pro cuncambiare ideas e leare pessos pro su tempus venidore.E...  [sighit]